Hovudtrenar / Dagleg leiar (50%)
Vil du vere med å forme framtidas symjarar på søre Sunnmøre?
Ytre Søre Sunnmøre Symjeklubb (YSSS) er ein klubb i vekst, med stort engasjement og eit inkluderande miljø. I år vart vi heidra med Årets Utviklingspris frå Norges Svømmeforbund 🏆 – eit bevis på at vi skapar noko heilt spesielt her på ytre søre Sunnmøre. I 2026 feirar vi 10-årsjubileum og satsar for å ta klubben til nye høgder.
Derfor søkjer vi no hovudtrenar/dagleg leiar i ei 50% stilling. Vi ser etter ein leiar med sterk påverknadskraft – ein som kan motivere, engasjere og løfte både symjarar, trenarteam og klubben til nye høgder.
Kven er vi?
YSSS er ein aktiv og framtidsretta symjeklubb med base i eit av dei vakraste områda i landet. Vi har:
-
Aktivitet i tre kommunar på søre Sunnmøre; Hareid, Ulstein og Herøy,
-
Eit sterkt fellesskap blant utøvarar, foreldre og frivillige,
-
Treningstilbod for både breidde og talent, vi er ein konkurranseklubb med årleg deltaking på LÅMØ,
-
Fokus på utvikling, trivsel og meistring - eit miljø der både barn og ungdom får blomstre i og utanfor bassenget.
Kva blir jobben din?
Som hovudtrenar får du sportsleg hovudansvar for all treningsaktivitet i klubben. Ansvar inkluderer:
-
Planlegge og gjennomføre treningsøkter for alle treningsgrupper (alder 10-16 år),
-
Oppfølging av utøvarane individuelt og i gruppe, inkludert utviklingsplanar,
-
Rettleiing og oppfølging av hjelpetrenarar,
-
Utvikle årsplan og handtere påmelding og oppfølging på stemner,
-
Handtere kommunikasjon, lisensar, Spond, klubb-arrangement, osb.
Som dagleg leiar får du overordna ansvar for dagleg drift av symjeklubben, som inkluderer:
-
Leie og koordinere dagleg drift i tråd med styrevedtak og årshjul,
-
Personalansvar,
-
Overordna drift av symjeskulen og tett samarbeid med symjeskulekoordinator,
-
Økonomi, administrasjon, medlemsoppfølging,
-
Du vil jobbe tett med styret og vere ein nøkkelperson for vidare utvikling av klubben.
Kva ser vi etter?
Vi søkjer deg som:
-
Har erfaring frå symjesporten og som symjetrenar. (Ingen krav om formell trenarutdanning),
-
Har utdanning innan idrett, pedagogikk el.l.,
-
Brenn for utvikling av barn og unge,
-
Er strukturert, engasjert, har stor gjennomføringsevne og god til å samarbeide,
-
Har gode norskferdigheiter munnleg og skriftleg,
-
Har førarkort klasse B.
Vi tilbyr
-
Ei 50% stilling som kombinert hovudtrenar og dagleg leiar,
-
Ein spennande, fleksibel og variert kvardag,
-
Lønn etter kvalifikasjonar, pensjons- og forsikringsordning.
-
Moglegheit til å påverke og utvikle klubben,
-
Trenarutdanning gjennom NSF,
-
Eit inkluderande og støttande miljø.
Vi vil finne den riktige personen til klubben og er opne for å diskutere stillingsprosent og oppdeling. Formell trenarutdanning er ikkje naudsynt for å søke, men erfaring med symjing er viktig.