Dagleg leiar – Symjeskuleansvarleg

For å vidareutvikle klubbens aktivitet, sikre kontinuitet og profesjonell drift ynskjer YSSS å rekruttere ein Dagleg Leiar – Symjeskuleansvarleg i ei 40-60% stilling, for å bygge bru mellom kursaktiviteten vår og det strategiske arbeidet i Styret i YSSS.

Vi søkjer deg som har lyst til å bidra til ei viktig samfunnsoppgåve. Det er ein fordel om du har erfaring med barne -og ungdomsarbeid.

Det er positivt om du har erfaring som symjeinstruktør, men inga nødvendigheit, då utdanning og opplæring vil bli gitt.

Den overordna oppgåva er å drifte og vidareutvikle aktiviteten og kurstilbodet til klubben samstundes som tryggleik, trivsel og inkludering blir ivaretatt i høve verdigrunnlaget til klubben.

Arbeidsoppgåver

Dagleg drift og organisering av «YSSS Symjeskule»

Planlegge, gjennomføre og evaluere symjeopplæring for barn og ungdom på klubben sine lokasjonar (Fosnavåg & Ulsteinvik)
Samarbeid med barnehagar, skular, kommunar, bassengeigar
Bidra til vidareutvikling av symjetilbodet i klubben

Administrasjon

Kommunikasjon internt og eksternt
Identifisere og formulere søknader til relevante støtteordningar og sponsorar
Administrasjon av medlemslister, kurslister og instruktørpool

Kan dette vere noko for deg?

Kvalifikasjonar

Kunde – og serviceinnstilt
Du er ansvarsfull, strukturert og jobbar målretta for å oppnå resultat
Jobbar godt både sjølvstendig og i team
Du meistrar norsk munnleg og skriftleg
God kjennskap til og forståing for digitale verktøy
Erfaring med leiing og administrasjon er ein fordel
Sertifikat for bil og tilgang på bil

Vi tilbyr

Spennande moglegheiter i ein ung klubb med ytterlegare vekstpotensial
Tilgang til eit erfarent og dedikert team av ressurspersonar
Gratis instruktørutdanning, inkludert fyrstehjelp og livredning
Opplæring blir gitt
Lønn etter avtale og kvalifikasjoner

Synest du dette høyrest spennande ut, har lyst å bidra til noko som utgjer ein forskjell?

Send ein søknad med CV til kurs@ysss.no snarast (frist 10.01.2024)!

Spørsmål kan rettast til Sigrid Sætre (Mobil: 400 44149) eller på epost kurs@ysss.no.

Om Ytre Søre Sunnmøre Symjeklubb

Ytre Søre Sunnmøre Symjeklubb (YSSS) er ein klubb for kommunane på Ytre Søre Sunnmøre; Hareid, Herøy, Sande og Ulstein. YSSS ynskjer å gi eit tilbod til alle som likar å vere i vatn, både dei som vil konkurrere aktivt og dei som vil symje for å trene og ha det kjekt.

YSSS er for tida i vekst og medlemstalet har dobla seg siste par åra. Vi opplever no stor etterspurnad for symjekurs og er opptatt av å skape gode rammer for deltakarane på kurs og alle føresette – legge til rette for meistring, tryggleik og fellesskap.

I 2023 vil vi gjennomføre ca 30 symjekurs og med over 250 deltakarar.